𝐒tate 𝐎f the 𝐌unicipality 𝐀ddress

𝐔𝐥𝐚𝐭 𝐬𝐚 𝐁𝐚𝐲𝐚𝐧: 𝐈𝐤𝐚-𝟏𝟎𝟎 𝐀𝐫𝐚𝐰 𝐧𝐠 𝐏𝐚𝐠𝐥𝐢𝐥𝐢𝐧𝐠𝐤𝐨𝐝

Ginanap ang State Of the Municipality Address o SOMA ni Mayor Wendah Katrina Rivera-Dolor nitong Oktubre 8, 2025 sa Municipal Hall Lobby. Sa harap ng buong Sangguniang Bayan, mga kawani ng LGU at NGAs, mga Barangay Captain, mga panauhin at ng kanyang pamilya nagpahayag ang butihing alkalde ng kanyang taos-pusong pagbati at pasasalamat sa lahat bilang katuwang sa paglilingkod para sa Bayan ng Bauan.

Sa nasabing programa ay iniulat ni Mayor Wendah ang kanyang mga nasimulang gawain at tungkulin sa unang ika-100 araw ng kanyang panunungkulan. Mula sa kauna-unahang Executive Order – SMILE “𝑺𝒆𝒓𝒗𝒆 𝑴𝒐𝒓𝒆 𝒘𝒊𝒕𝒉 𝑰𝒏𝒕𝒆𝒈𝒓𝒊𝒕𝒚, 𝑳𝒆𝒂𝒅 𝒘𝒊𝒕𝒉 𝑬𝒎𝒑𝒂𝒕𝒉𝒚” kung saan aniya ang bawat serbisyo ay may kasamang katapatan, malasakit at positibong kalooban. At mula sa prinsipyong ito nag-ugat ang SHIELD Program na bawat titik ng salita ay sumisimbolo sa lahat ng serbisyo at paglilingkod na itinataguyod ng administrasyong pusong Dolor, isang gobyerno na hindi dapat katakutan kundi dapat ay maramdaman.

Ang SHIELD na kinabibilangan ng Shelter and Social Services, Health, Inclusive education, Employment and Environment, Livelihood, at Development ay mga programang pambayan na sinimulan ni dating Mayor Ryanh Dolor at ipinagpapatuloy at lalo pang pinag-iigting sa pamamahala ni Mayor Wendah tungo sa mas maunlad at makataong Bauan.

“𝐻𝑎𝑏𝑎𝑛𝑔 𝑎𝑘𝑜 𝑎𝑛𝑔 𝑖𝑛𝑦𝑜𝑛𝑔 𝐼𝑛𝑎 𝑛𝑔 𝐵𝑎𝑦𝑎𝑛, 𝑖𝑝𝑖𝑛𝑎𝑝𝑎𝑛𝑔𝑎𝑘𝑜 𝑘𝑜𝑛𝑔 𝑝𝑎𝑡𝑢𝑙𝑜𝑦 𝑘𝑜𝑛𝑔 𝑖𝑝𝑎𝑔𝑙𝑎𝑙𝑎𝑏𝑎𝑛 𝑎𝑛𝑔 𝑏𝑎𝑤𝑎𝑡 𝑝𝑎𝑚𝑖𝑙𝑦𝑎𝑛𝑔 𝐵𝑎𝑢𝑎𝑛𝑔𝑢𝑒𝑛𝑜 𝑠𝑎 𝑘𝑎ℎ𝑖𝑡 𝑎𝑛𝑜𝑛𝑔 𝑢𝑛𝑜𝑠 𝑚𝑎𝑛 𝑜 𝑠𝑎 𝑝𝑎𝑔-𝑎𝑠𝑎, 𝑠𝑎 ℎ𝑖𝑟𝑎𝑝 𝑚𝑎𝑛 𝑜 𝑠𝑎 𝑠𝑎𝑦𝑎, 𝑑𝑎ℎ𝑖𝑙 𝑖𝑡𝑜 𝑎𝑛𝑔 𝑡𝑎ℎ𝑎𝑛𝑎𝑛 𝑛𝑎𝑡𝑖𝑛 𝑎𝑛𝑔 𝑎𝑡𝑖𝑛𝑔 𝑏𝑎𝑦𝑎𝑛 𝑛𝑔 𝐵𝑎𝑢𝑎𝑛”, mga katagang puno ng pag-asa sa pagtatapos ng Ulat sa Bayan ni Mayor Wendah.

#WeAreOneInBauan